القرنبع .. خربشات شعرية عن اللي يتدينون ليشتروا سيارات غاليه وعقب ما يرومون يودونها تشييكات الوكاله للصيانه

خلوني عالقرنبع

حول موضوع الشباب وغير الشباب الذين يتدينون ليشتروا سيارات غاليه وعقب ما يرومون يودونها تشييكات الوكاله للصيانه …. خربشت هالقصيده

لي يدور علمزامط
الناس تضحك عليه

الهيبه ما هي موتر
تركب وتسير فيه

موتر ما روم ع آيله
وشلي ملخانه فيه

خلوني عالقرنبع
كاشخ متوزي فيه

ويتحفنا اخوكم بو عجيل
ردا على .. خلوني عالقرمبع*

ويقول …

موتركم هب قرنبـع
عزه وعز راعيه

و راعي الموتر المربـع
ذنبه و دينه فيه

يوعان ولا بيشبـع
و البنك ما يراعيه

لا غض ولا بيهيـع
همه و توزى فيه

وزاد بن راشد وقال …

الحر اللي بيجنع
و لا الردي جافيه
ذاك الذي مايشبع
و اليور منه و فيه
موتركم هب قرمبع
عزّ ألذي يبغيه

* للعلم قرمبع تلفظ بالميم وتكتب بالنون قرنبع

قرنبع اصلها Grandpa

سمعها الأوليين من الانجليز
يطلقونها على الجد او الشايب
فظنوا معناها خرِب أو خربان

حيث تلفظ … قرانبا … أو جرانبا
فحورها الخليجيين الى قرنبـع أو چرمبـع

يقال ان محمد خليفه المعلا ذكرها في كتاب له عن المسميات القديمه لكن عبيد ما يذكر اسم الكتاب

هذه المشاركه من اخوكم عبيد

مع تحيات:
الــــــــوطــــــــن™
اتبعني Follow @AlWatanUAE
www.alwatan.ae

Advertisements
بواسطة الــــــوطــــــن™ نشرت في غير مصنفه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s