ضرب الأطفال … تجربة وتحدي … أتحداك تسوي الشي اللي مكتوب هنيه !؟

ما بنختلف ضرب ألطفال غلط وغير حضاري وووو الخ !

يله عاد كلكم تضربون عيالكم وفروا الكلام … مب هذا موضوعنا … طبعا أنا متأكد أنكم ما بتضربونهم إلا لأنهم مسوين شيء غلط وانكم سويتوا كل شيء وكل وسيلة قبل الوصول الى الحل الاخير وهو الضرب … وأنا متأكد بعد أن هذا الضرب مب بعنف وقسوة أو استخدام أحزمه أو أدوات تعذيب أو خيازرين مال البوش !

المهم المرة اليايه لي بتضرب وبتأدب فيها ولدك بعطيك سر بيساعدكم أنتوا الاثنين ، وأقصد هنيه الضارب والمضروب سواء كانت الأم التي تضرب أو الأب ، بعد ما تضربه وعادة يصيح أو يبوز اضغط على نفسك إذا كنت فعلا صادق وتقول انك تضربهم لمصلحتهم وانك تحبهم أو انك تحبينهم وهنيه التحدي ….

بعد الضرب مباشرة يود ولدك أو بنتك وضمهم وبوسهم وقول لهم انك تحبهم وما سويت هذا الشيء إلا لأنك تحبهم و إِنْ شَــاءَ اللّــه ما بتضربهم مرة ثانيه لأن ما في داعي لان المرة اليايه بنسمع الكلام بدون الحاجه للضرب !

تنبيه هذه العمليه صعبه على الطفل وعلى الأم والأب أول مرة أو مرتين في العاده بتصيح وياهم مهما كنت قاسي فاستعد وصيح عادي بيصدقك الياهل أكثر وبيكون تأثيره أقوى من ضربك القوي له!

لي بيجرب يخبرنا عن النتيجه ، أنا أذكر أول ما زوجتي جربت الطريقة ما تحملت وتمت تصيح مدة طويله ، مع أنها ما تعرف القسوة ولا تضربهم أصلا بس أنا قلت لها تضمهم وتبوسهم حتى بعد ما تصرخ عليهم وترفع صوتها بدون لا تلمسهم وبعد كانت متأثرة من النتيجة وردة فعل الأطفال وردة فعلها هي !

يله أبغي أسمع منكم النتائج ، طبعا أتمني محد يضرب عياله ، لكن الواقع شيء والمثالية شيء آخر !

مع تحيات:

الــــــــوطــــــــن™
اتبعني Follow @AlWatanUAE
www.alwatan.ae

Advertisements
بواسطة الــــــوطــــــن™ نشرت في غير مصنفه

6 تعليقات على “ضرب الأطفال … تجربة وتحدي … أتحداك تسوي الشي اللي مكتوب هنيه !؟

  1. الطريقة اللى ذكرته بنظري خطأ ..وشفت نتايجها بعيني للاسف..الولد مستانس انه بينضرب وبيحصل تأنيب ضمير من امه ..رغم توضحيها ليش..بس الترضية عقب العقاب كانك يابوزيد ماغزيت
    إذا اضطرينا للضرب لازم نكمله بالتأديب السلوكي..الاطفال اذكيا..والضرب بحد ذاته مجرد الم جسمي وبيختفي
    لما اضطر للضرب ..اقعد صامته بالبدايه وبروحهم يعرفون شومسوين ويعتذرون ..واخبرهم السبب..بس بدون حضن ..لان حضني لهم مكافأه بنظرهم..طبعا بس يستمر يوم هالعقاب النفسي…والحمدلله مجرد تهديدي اني بقوم. يعتذرون ومايسوون خطا
    والحمدلله طريقتي مرضيتني والله يحفظهم وايد احسن..على عكس الخوات اللى اتبعن طريقتكم وهن ثلاث من ربيعاتي للحين يشتكن. لان الياهل عارف الموال ضرب وعقبه حضن وتبرير

    • شكرا أختي على تعليقك …

      كلامك صح بدون شك … لكن أنا ما قلت ان الواحد يضرب ويحضن ويعتذر … ويكرر الموضوع … يضرب ويحضن ويعتذر !!! مستحيل ما كان هذا قصدي أبداً

      القصد من الموضوع وهو موجه للناس اللي يضربون عيالهم وأنا ضد الضرب اللا بعد استنفاذ كافة الطرق ويكون لشيء يسوى الضرب وما يكون ضرب بقصد الايذاء … القصد انهم يحسون بتأنيب الضمير ويمكن يحاولون يدورون على طريقة أفضل من الضرب … وهي الحوار الحوار الحوار … لو سمحتوا علموا أولادكم على الحوار وبيرتاحون طول عمرهم

      ملاحظة : أنا بعد ضد التهديد النفسي كعدم الكلام أو حقران الأطفال أو حبسهم في الغرفة لأن العقاب النفسي يمكن يكون أشد من العقاب الجسدي … وتأثيرة يدوم أطول

  2. وٌاِلُلّـٍَْـہ أنا اتبع هالأسلوب مع عيالي والحمد اِلُلّـٍَْـہ أحس واايد نفع يوم يسون شئ غلط. أول مره أهدد إذا تكرر هالشئ أضرربه بِــ̯͡سّ بعد شوي أرؤوح واحصنه وأبوسه وأقوله ليس ضربته أبين السبب عشان ما يزغل مني وآخر شئ يعتذر مني ويبوس رأسي ويوعدني إنْ شَاءَ اللـّہ ما يكرر هالشئ

  3. وانا وصغير انضربت ضرب اتذكره للحين بس الضرب كان لمصلحتي في كل شيء ابوي وامي الله يحفظهم يارب علموني الصح بالضرب والغلط بالضرب والحمدالله استفدت من كل اللي صار اعرف وين الغلط والصح من صغري والحين انا اكبر واحد ف البيت عندي اخواني الصغار اذا غلطو ضربتهم واعلمهم الصح بالضرب يخافو احسن ما يكونو اقوياء على امي وابوي وعلي والحين الاحترام في البيت موجود واللي اشوفه الحين اللي ما نضرب كلامه اسوء كلام ومافي احترام من تسال الصغير شو اسمك يقول ما يخصك الضرب مفيد بس ما توصل للاشياء القويه استخدام السكاكين و الحراره

  4. ولا يهمك أنا إلحينه بجربها … و بشوف ولديه العنيد شو بيسوي و ئارب تنفع معاه لأنه تعبني وااااائد

    مشكور و ماقصرت

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s