تالا الشهري .. شو اللي كان من الممكن أنه أهلها يسوون علشان يتفادون هالمصيبه؟ .. عطنا رأيك!

بعيدا عن الخوض في القدر فأنا أعلم انه ما كان بإمكان أي مخلوق فعل شيء لتفادي مقتل الطفلة …

ولكن هل هناك إجراءات أو أشياء ممكن الواحد يعملها لتجنب هذا النوع من المصائب ؟

شاركنا النقاش .. وخلونا نفكر مع بعض

تعليمات للمشاركة:
◃ أسفل الموضوع هناك مكان مخصص للكتابه
◃ أكتب ما تريد ويصل إلي
◃ خل جوابك مختصر سهل علي وعلى القارئ
◃ حاول لو سمحت تكتب بدون زخرفة الكلمات
◃ بعد المراجعة واذا كانت المشاركة تصلح للنشر اعتمدها فتظهر على نفس الصفحه
◃ الاسم والمعلومات الشخصية كالعنوان البريدي اختيارية

مع تحيات:
الــــــــوطــــــــن™
@AlWatanUAE

41 تعليقات على “تالا الشهري .. شو اللي كان من الممكن أنه أهلها يسوون علشان يتفادون هالمصيبه؟ .. عطنا رأيك!

  1. أولا ، الله يرحمها ويجعلها شفيعة لأهلها ويلهم أهلها الصبر ويرحم فقيد الحادث ،
    ثانيا، الحضانه ثم الحضانه ! و غير الحضانه البنت عمرها 4 سنوات و 5 شهور ! عمر الكي جي ! أو الروضه ، يعني ليش ماسجلوها في الروضه ؟ ، إنزين ثالثا ، ماعندكم أهل ؟ يده أخت عمه خاله أي حد ! خلوا البنت عندهم والبشكاره وياها ! وتاخذ الثياب اللي يبالها كوي وتكويها في بيت اليده أو الخاله أو أي حد ، تشل مواد الطبخ وتطبخ ، ترا عادي يا ما نحن اضطرينا إن نسوي هالحركه ومحد زعل ولا حد تضايج ، ويروم الأبو يدخل عليهم في ألويكند ب شيء يطيب خاطرهم عسب مايقولن يطبخون ويسوون ؤمايشكرون ،
    إنزين غير هالموضوع ، كم مره قلنا شيء كاميرات تجسس وتروم توصلها بتلفونك وتشوف البشكاره شو تسوي ! كاميرات مراقبه عاااديه إنزين ؟
    الحلول موجوده بس يبالها الواحد يفكر عدل مايثق ويأمن في الأشخاص ، لأن كل الناس اللي أنقرصوا من ناس غير كانوا قبل مأمنين ؤواثقين فيهم ، بس متى بتعتبرون وبتفهمون مادري !

    الله يبعد عنا شر كل ذي شر يا رب

  2. الله يرحم حريم زمان اول
    تلقاها تكنس وتنضف وتغسل وتهتم في زوجها وعيالها ولا تقول كلمة لا
    الحين الوحده لين تصحيها من النوم يبالك اسبوع من كثر الدلع والبطره
    فلذالك نحن نلجا الى الخدم
    المفروض على الاقل اخلي الخدامه تقوم بتنضيف البيت فقط
    اما الطبخ والاهتمام في الاطفال يكون دور الزوجه
    واعتقد انه اي شخص يهتم فيك راح تحبه وتتعلق فيه اكثر من الازم
    فمابالكم. الطفل يحصل الحب والحنان والاهتمام من الخادمه
    والام كل اهتماماتها الشغل والموضه والفوضه
    وشكرا

  3. أنا رأيي انه أكبر خطأ أن نجعل الأطفال يجلسون لوحدهم مع الخادمه في البيت وخصوصا إذا كان البيت مغلق يعني أقل شيء أن نؤدي الأطفال للحضانه أو بيت أهلي

  4. إذا الام مكتفيه مادياًً ماله داعي تشتغل اساساًً تربي عيالها أبرك لها مع وجود الخدامه للمساعده

  5. تبون تمنعون هالمجرمين انهم يجتلون اليهال وفروا للأمهات العامﻻت حضانات في دوائرهم الحكومية ..الله يعينها اللي اتكون محتاجه للعمل وتضطر ان اتخلي عيالها بيد الخدم فقط لأنها مجبوره .

      • نحن نمشي بالاسباب قد ما نقدر نحاول نحمي الأطفال ونحسن للخدامات ونعاملهم بانسانيه واذا بعد كل هذا ارتكبوا فينا جرايم ف هذا معناته انهم أصلا مجرمين وطبعا كل شي مكتوب

    • ﷲ يرحمها ويجعلها شفيعه لوالديها ٳﮠْشإاءاللّـہ.
      كلمة لو وياريت مٌـْْْ•̣̣̥·̩̩̩̥•̣̥ـْْْآ تسوي شي أحيـّـّن. بَـَــسْ كل وحده بهالزمن تأخذ احتياطاتها أول بأول.
      يعني مِـًْ♌ـُنِْ أتييب الشغاله تراقب تصرفاتها إذا شكت فيها بأي شي ؏ﻟێ طول لاٍّﮯ تخليها عندها ثانيا الأطفال لاٍّﮯ يخلوهم عند الخدم يؤدوهم حضانه أحسن. و ٲٍنٍـٍّМ̳Ế̳ـٍْا عن نفسي لاغت جبدي مِـًْ♌ـُنِْ الخدم واهوالهم إذا يمنعوهم عناا خير شر أحسن ولا هالحاله صرنا انخاف وحنا فـ بيوتنا.

  6. عيل مافي غير حل واحد الي هو …
    الحرمه تيلس في البيت وتربي عيالها وتنسى شي اسمه خدامه
    والسلام عليكم ورحمة الله وبركاته
    وما اعتقد بتقولي يمكن او مايمكن
    انا عن نفسي اعيش في مجتع اذا البيت فيه خدامه
    يقولون علينا منقود الريال متزوج حرمه + خدامه تهتم في امور البيت والعيال
    سؤال شو فايدة الزوجه في البيت اذا ماتقدر على
    تربية عيالها وتهتم في بيتها وزوجها. ؟؟؟
    ولحد يرد عليه نحن مانقدر نعيش بدون خدم
    اذا كيف ااهلنا واجدادنا عاشو بدون خدم ؟؟؟

    • إوكي هذا بيمنع الجريمة فالبيت … لكن شو عن الأماكن الآخرى .. اللي موجوده فيها هالعماله ؟؟؟ حتى شي من المدارس فيهن !!

      الجزء الثاني من كلامك ما يخصني فيه وخليته مع أني أخاف انه يتحول لنقاش بحد ذاته

  7. الحل منع الخدم نهاءيا من دخول البلاد وكل حرمه ترعا بيتها وعيالها وزوجها شوف الاجانب عايشين حياتهم ببصاطه والمراه العامله تحط عيالها في الحضانه وتروح الشعل ترتب امورها يباله حسن تدبير بس

  8. بعرض لكم فكرتى يمكن البعض يشوفها ضرب من الجنون ومستحيل تطبيقها على أرض الواقع ولكن إذا توفرت الرغبه الحقيقه لحل مشاكل الخدم او تقليل الأعتماد عليهم بنسبه كبير وتغيير عادات الناس فمن الممكن تطبيقها .

    اولاً : انشاء مؤسسه خدميه تعنى بتوظيف الطالبات أثناء الدراسه الجامعيه ‘ العاطلات ‘من يملك الرغبه الحقيقه بالعمل ‘الأرامل ‘المطلقات وكل من تسعى لتحسين مستواها المادى ولو بشكل مؤقت .

    عقود العمل تكون بمده الخدمه وبدون الزاميه يعنى أبغى أعمل شهر او شهرين هذا امر يرجع لى بشرط أكمل الشهر وساعات العمل اليوميه عشان أستلم مستحقاتى الماليه كامله .

    إخضاع الراغبات بالعمل لتنميه مهارات بالأعمال المنزليه ( تنظيف -طبخ – عنايه بالأطفال)

    ساعات العمل تكون محدده مثلاً 5 ساعات الصبح مع موظفه منزليه وليس عامله ﻓﯾـَِّـﮱ حال الإنتهاء من الأعمال اليوميه كافه تقدر تمشى قبل الساعات المحدده بس تعوظهم بساعات عمل اخرى والتنسيق بينها وبين رب المنزل على حسب ظروفها .

    والأمر نفسه ﻓﯾـَِّـﮱ حال وجود حاجه للموظفه المنزليه للعمل المسائى طبعا تكون وحده ثانيه على حسب ساعات العمل .

    المستحقات الماليه للمؤظفه المنزليه ڳُيُفً تستلمها ومن اى جهه؟
    عن طريق البنك طبعا حالها حال اى موظف بالدوله ومن مؤسسه العمل اللى وظفتها وليس رب المنزل .. ڳُيُفً ؟

    يعنى أذا رغبت كرب أسره بموظفه منزليه أدفع راتبها لجهه عملها نقول راتب 6 شهور أو سنه ويتحول الراتب الشهرى لها على حسب ساعات الخدمه واتمام الشهر وتظمن لى المؤسسه توفير موظفات منزليات على حسب الراتب المحول لهم .

    من اللى يحدد الراتب؟
    (المؤسسه) وبحدود المعقول يعنى من 2500 ﺂ̷̲ﻟ̲يٓ 3000 .
    وايد ﻻ مب وايد أحسبوا كم تعطون مكاتب الخدم وتذاكر سفرهم وفوق هذا تشّكون منهم والبعض يرجعهم وييب غيرهم وكثير منا مر بهالمواقف وخسرنا الآلآف عليهم .

    فى أحد بالإمارات بيشتغل بالبيوت !!!

    طبعا فيه ومب عيب والعمل بيكون رسمى
    بساعات محدده وراتب جيد لمرحله مؤقته بحياه الفرد .

    • السموحه لكن هذا كلام مستهلك لا ينفع بشيء .. هل لو قمنا بكل هذا لن تقع الجريمه .. للأسف انتم تهملون أهم طرف في المعادلة … للأسف

      نصيحه وقفوا مخكم عن الكوبي بيست وأبدوا في التفكير لوحدكم … تعبت والله تعبت

      (هذا الكلام موجه ليس فقط لمريم ولكن لكم جميعا .. المطلوب ليس فقط كتابة كم جملة وارسالها لي لكي أخذ أنا وقت اقرأها وارد عليكم .. ولكن أتمنى من الجميع التفكير في السؤال المطروح والجواب المقدم لي قبل إرساله … وشكرا)

  9. إعطاء الخادمه أكثر عن ما يلزمها للعمل مثل الهاتف النقال التي هي تححج بها الآن قد يكون سبب لـ هالجرائم فـ لو لم تصل لها هذي الرسالة لم تكن الطفله التي لاا ذنب لها مقتوله ، أنصح دائما بعدم إعطاء الخادمه هاتف نقال فـ هاتف المنزل يكفي ، وأيضا يكون هناك باب حوار بين الأسره والخادمه حتى يكون عليها من السهل مناقشة موضوع مثل هذه الرسائل النصيه أو غيرها من المشاكل التي قد يواجهونها ، وان لم تكن الأسره بحاجة ماسه للخادمه يجب عدم إحضارها وعلى ربة الأسره هي الاعتناء بالمنزل .

  10. مااعتقد كان بيمنعها اي شي مادام النية موجودة والدافع موجود ومايمنع هذا من أخذ الاسرة كل الاحتياطات والتدابير اللازمة
    دخول انسان غريب الى محيط الاسرة والبقاء فيها امر خطير
    الخدم ممكن يحملون حقد ونية انتقام من اي فعل بسيط وغير مقصود من الاسرة.. وممكن تحط حرتها في الاطفال اذا حتى واجهت اي ضيق وضغط من اي حد.
    يعني لو كان في شي بيمنعها.. كان منع غيرها

  11. انا اقول اكيد ماكان المفروض يخلون الياهل بروحها مع الخدامه في البيت، وانت قلت انه هالشيء مايمنع صحيح.
    ويمكن ماكان المفروض انهم يبلغون الخادمه بوقت رحيلها، لانها قالت انها ماتبا ترجع لبلادها.
    واحب ارد عالاخ بوعابد ترى سهل الكلام حتى لو الحرمه قاعده في البيت ماتشتغل بعد بتحتاج لخدامه تساعدها في التنظيف واعمال البيت فقط مااقصد في تربيه الاطفال.
    واذا تبون الحرمه ماتشتغل وتربي عيالكم وفروا لها وعيالها كل احتياجاتهم، وليش تشترطون انها تكون موظفه.
    واتحداك تقعد يوم واحد مع طفل واحد بس وتجابله.
    صحيح انى مو متزوجه وماعندى عيال لكنى مربيه بنات اختى واعتبرهم مثل بناتى وفعلا حاسه بتعبها بالذات ان ماعندها خادمه تساعدها.
    واسفه اني طلعت شوي عن الموضوع.

  12. الشي الوحيد اللي اجوفه بيمنع الخدامة انها اتموت الصغيرة – ان ما نخبرها بموعد رحيلها
    نخليها لها مفاجئة و ان يالا الحين بتسافرين هاتي اغراضج و اتكون جدام عينا و نفتشها بعد

    • أنا استخدمت الحادثة هذي كمثال وقلت أن ماشي كان ممكن يمنع حدوثها … لكن المقصود عموم الحوادث .. لو فرضنا أن هذا مكن يمنع في حالة عرفت أنها بتتسفر .. لكن في الحالات الثانيه .. ما تكون الحاله انتقام للتسفير اللي هيه تشوفه تعسفي

  13. المفروض علاقة الطفل القوية تكون مع أمه وليس مع الخادمة يعني في مجتمعاتنا نفرح كثيرا إذا أطفالنا احبوا الخادمة و تعلقوا فيها ولكن كما إن الحقدو الكره يأديان إلى القتل فإنه أيضا من ألحب ما قتل.. وجود الخادمة في البيت فقط للمساعدة في الشؤون المنزلية وليس لتربية أجيال المستقبل و فلذات أكبادنا ومن جهة أخرى.على الجهات المختصة سن قوانين تحتم التأكد من حسن سيرة و سلوك الخادمات و صحتهن النفسية قبل الجسدية قبل استخدامهن

    • أدور على الجواب … وما حصلته في كلامج يمكن بغيتي تكتبينه وخانك التعبير يا أم عبدالرحمن .. شكرا للمشاركة .. حاولي مره أخرى
      الخادمة للمساعده فقط رديت علي شيء مشابه
      القوانين ما راح تفيد
      ما أدري ليش أمس أنكم ما تقرون بقية النقاش .. هذا نقاش مب مجرد كلام تقولونه
      بعدين … ليش ناسين أهم شيء

      عموما هذه آخر مشاركة مكرره والسموحه لن أعرض أي مشاركة بعد مشاركة أم عبدالرحمن … اللا إذا كان فيها مضمون جديد

  14. اول شي بسم ﺂﻟﻟہُ الرحمن الرحيم
    ثاني شي والله ان اكبر خطأ صار ان الخادمة يكون معه جوال مـن اضراره يصير زي مـا صار في تالا اللـه يرحمه ويسكنه الجنة يا رب وثاني شي يمكن يكون سبب في هروبها مع شخص متفق معها وثالث شي يمكن يكون في سبب سرقة المنزل تنادي له كـم هندي تعرفه او مكون معه علاقة وتناديه للبيت ويسرقون مـا فيه وغير الجوال انك تعطي الخادمة الثقة الكاملة بعد كـل القصص اللي صارت وتالا الـله يرحمه مب اول ضحية فيه عائشة مـن الكويت وفيه غيرها الثقة العمياء شئ خاطئ وغير هذا ككله ان تترك طفلة مع الخادمة لوحدها حتى لو اضطريت حاول قدر الامكان مـا تخليهم لوحدهم وتالا الـله يرحمه اكبر دليل انك مـا تخلي الخادمة. مع الاطفال لوحدهم ومن الاسباب اللي يمكن تخليك تتفادى المخاطر مـن الخادمات تركيب اجهزة مراقبة مـن دون ماتدري الخادمة وفي النهاية اللـه يرحم تالا ويرحم جميع المسلمين يارب ولأ حول ولاقوة الا بالله

  15. السلام عليكم ورحمة الله وبركاته
    ربي يرحم أطفالنا وكل المسلمين يإرب
    وبخصوص هالموضوع أنا اشوف الشي الوحيد اللي ممكن يمنع الجريمة هو الاهتمام بالشخص اللي ياي من الغربة وعشان يخدم هالبيت وإعطاءه حقوقه كإنسان ، أنا عن تجربتي أهم شي المعاملة الحسنه والاهتمام في اني اقعد مع الخدامه أو المربية في أي وقت أكون فاضية وأسولف معاها عن أمورها وحياتها الشخصية والسؤال عنها إذا كانت مريضة ولا محتاجة شيء والشئ الثاني الأهم عدم أهانتهم مهما كان السبب لأنه أغلب الأسباب تكون سخيفة لو كنت في حالة ضغط وتعب أمسك نفسي ولا أهين اللي جدامي لأنهم طول اليوم يشتغلون عدنا وفوق هذا نأذيهم إكيد بيفكرون بأي شي يضرنا حق الانتقام … والله يكفينا من شر اللي هم من الأساس فيهم حاله نفسيه مفاجأة وماندري عنها .. بس اللي علينا أنه نتبع تعاليم دينا ومايحثنا عليهم نبينا في التعامل مع الفئة العامله

  16. أَلٌسّلُأُمً عُلُيٌڳًمً ۇۈۉرِحَمِهُ أَلَلَهِ وٌبُرِڳِأُتًهُ

    أول شيء آخوئ قدر الله ما شاء فعل

    ثاني شيء هذا يوم تألا شهري ۋ ﺂﻟ̸ﻟ̸ھْ سبحانه وتعالى اختارها

    ثالث شيء سبق وعلقت على الموضوع لكن كلامي ما عيبك
    قلت لكم فاقد الشيءلا يعطيه يعني المربية الأجنبية ماتنفع ل تربية عيالنا

    لأن إحنا شفنا ليش ما تنفع
    وأيد جرائم صارت بحق. الأطفال ومحد. تكلم ولا سوى شيء

    وما بطول. عليكم. بالتعليق

    بس الحرمة اللي تبي تشتغل
    لإزم تكون وفرت أشياء ل ضمان صحة عيالها مثال تخليهم عند أمها أو أم زوجها
    أو أي أحد من أهلها بمصروف شهري للشخص اللي راح يمسك الطفل وخلوا أهلكم أولى بتربية عيالكم من الخدم

    وما أظن راح يكون في جرائم بحق الأطفال
    وبالتالي بنكون قضينا على ظاهره المربية الأجنبية

    ؤلاتقول في بنات ما يعرفن يقصن. الدياي
    كل وحده بتتعلم كيف تقص وكيف تطبخ واللي ما يخاف على عياله أييب لهم مربية اجنبية
    والسموحة على الإطالة وأتمنى. انك. توافق على تعليقي

التعليقات مغلقة.