”لي يستهين بالبر مرده البر يهينه“ … تعليمات مهمه للقياده في البر

□ أهم شيء لا تسير البر بروحك

□ إذا بتطلعون عن الدروب وبتمشون بروحكم في البر لازم يكون عندكم أجهزة جي بي إس GPS صدقيه وتعرفون كيف تستخدمونها لتفادي الضياع.

□ لازم يكون في كل سياره حبل قلص وهوكات مثل هذا

□ في كل سياره شيول وقياس هواء وكمبريسر

□ خذ ماي ماي ماي بالغ وزيد الكمية

□ معظم السيايير اليوم للأسف أوتوماتيك

□ إذا بتنزل رمل حول لـ 4H لا تخليه على Auto

□ إذا موترك فيه ”تراكشين“ بنده سكره أطفيه

□ طبعا ما ننسى نفش إلى 15 أو أقل بس مب أقل من 8

□ ابدأ بتجربتك الأولى في مكان سهل وغير مكتظ بالناس

□ لا تلف لفات صغيرة في البر خذ راحتك وكبر اللفة
□ في البر انسى البريك إلا إذا فعلا مضطر تستخدمه

□ لا تخلي الجير على الـ D كثر التبديل ممكن يخرب الجير

□ بدّل وحطه على الجير المناسب حسب احتياج المكان

□ أنزل من أي صعده بنفس الجير اللي صعدت فيه

□ لا تستخدم البريك لتخفيف سرعتك في النزول

□ استخدم الجير لتخفيف سرعة نزولك , غيار عكسي

□ أترك مسافة كبيره بينك وبين السيارات الأخرى

□ لا تصعد صعده إلا إذا السياره اللي جدامك نزلت

Sweihan

□ أكبر سبب للجلبات في البر الخوف من القصوص

□ إذا فاجأك قص وكسرت على السكان فعلا بتنجلب

□ انزل سيده ولا تخاف ما بتنجلب … قوي قلبك

□ لا تخاف من أي قص … خفف شوي على راس الطعس وبعدين أنزل

□ جرب على قص صغير أول وبتتعود على الطريقة

□ لا تخاف ما بتتعلق دام انك داعس بترول خفيف

□ إذا مسكت بريك على رأس الطعس بتتعلق

□ لا تقاوم الرمل إذا تحس الموتر بيسير باتجاه معين سايره

□ إذا حسيت الموتر ما يمشي زين أنزل وشوف الهواء كم وخفف أن أمكن

□ إذا غرزت وما قدرت تطلع لا تدفن موترك ولا تدفن رأسك من الحيا اطلب مساعده

□ أترس التواير هواء قبل الرجوع للشارع

□ مش أقل من 60 للشيشه إذا ما عندك كمبريسر

أهم شيء تستمتع وتطلع أنت وموترك سالمين بدون خسائر

وتذكر ” لي يستهين بالبر مرده البر يهينه“

أقرأ أيضاً على الرابط التالي … 

مع تحيات:
الــــــــوطــــــــن™

www.alwatan.ae

ملاحظة: هذه التعليمات مب لأصحاب النياسين أو للي مركبين تواير 900 ☺

Advertisements
بواسطة الــــــوطــــــن™ نشرت في غير مصنفه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s