إذا اخترب تلفونك لأنه أنجب عليه ماي … شو تسوي … تحطه في يونية العيش طبعاً ☺!!؟؟

أحد الأعضاء يسألني عن صحة هالمعلومه

يقول تلفونه طاح في الشاي … عنبوه شاي صعايده … شكبره كوب الشاي هذا … بل بل بل

المهم يقول نصحوه ربعه يحط التلفون في يونية العيش يوم كامل وبيستوي أوكي

فعلا هوه جرب وتلفونه استوى بخير وعافيه … فيقول لي شو السر ؟!!

قبل لا تضحكون … تراها معلومه صحيحه !!

قبل لا أقولكم كيف خلونا نرد لورا شوي …

كانوا الأوليين وكنا نحن يوم صغار نحط خَلاَل أو همبا خضر مال الباطنه واحيانا الموز الخضر في يونية العيش علشان يبلغ … طبعا ما فيه شي يخلي الأشياء تبلغ في العيش … ولو تمت الأشياء برع لبلغت الأشياء في نفس الوقت … لكن العيش يمتص الرطوبة ويشرب الماي لهذا السبب ينتفخ في الماي والطبخ … فيوم تنحط الأشياء فيه ما تخيس من الرطوبه فتبقى جافه … والحين أكيد عرفتوا شو سر التلفون الخرسان ويونية العيش … يعني المعلومه صحيحه … ولكن ؟!


◄ هناك طريقة أفضل من يونية العيش …

○ أذا طاح تلفونك في الماي لازم وبسرعه تطلع البتري من التلفون … أصحاب الإيفون راحت عليكم ☺

○ الماي موصل للكهرباء وبوجود البطارية يعمل الماي إلتماس كهربائي للدوائر الإلكترونيه للتليفون … مب لازم تفهم … المهم أجلع البتري بسرعه ☺

○ بعد ما تخلع البطاريه شغل مجفف الشعر أو السشوار وجفف التلفون خله على درجه وسط وحط مجفف التلفون على طاوله مثلا وحط تلفونك جدامه وخله مده طويله لين ما تحس انه نشف وجف بالكامل … أنا اخليه كم ساعه … يمكن ساعتين

○ لا تركب التلفون مباشرة وخل التلفون بعد كم ساعه احتياط وان شاء الله بتركب البطارية وبيشتغل … بدون أي أضرار

إذا كنت ممن حطوا تلفونهم في يونية العيش قبل مب لازم تخبر حد عن السالفه … لكن طرش هالموضوع لربعك … لي طرشوا لك سالفة العيش … أو لي ما طرشوا لك واكسب فيهم أجر !

مع تحيات:
الــــــــوطــــــــن™
اتبعني Follow @AlWatanUAE
www.alwatan.ae

Advertisements
بواسطة الــــــوطــــــن™ نشرت في غير مصنفه

One comment on “إذا اخترب تلفونك لأنه أنجب عليه ماي … شو تسوي … تحطه في يونية العيش طبعاً ☺!!؟؟

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s