مجموعة تغريدات كتبتها المتميزة “منال السالم @Manal_Sal ” للشباب على الوسم #اهلين_اخوي

هذه مجموعة تغريدات كتبتها للشباب على الوسم #اهلين_اخوي
كانت بالعامية، بسيطة، ارتجالية، لكنها صادقة 
و بناءً على طلب المتابعين جمعتها في رابط واحد:

#اهلين_اخوي
ترا الرجولة مو شعر
و جسم رياضي
و صوت فخم
الرجولة تثبتها بالمواقف الشهمة المشرفة
لا في سيجارة
و لا بتفحيط بالسيارة

#اهلين_اخوي
التفت شوي لاختك
و اهل بيتك
وين نصيبهم من وقتك؟
و ابتسامتك؟
و خدمتك لهم؟

#اهلين_اخوي
كثير من الاخطاء
بل و الجرائم في حق النفس و الغير
بدأت بكلمة (جرّب)
تكفى لا تجرّب
تراك اغلى من انك تجرب و تضيع!

#اهلين_اخوي
الرجال اللي نفخر فيه
يغض البصر
و يرفع نفسه عن تعارف سخيف
و حب وهمي
حتى لو الرخيصة رمت نفسها في طريقه يتجاهلها و يمشي

#اهلين_اخوي
اهنيك انك تفهم بالتقنية
و اهنيك مليون مرة لو كنت قاعد تستخدمها صح
و هذا الرجاء فيك

#اهلين_اخوي
وقتك يعني حياتك
اللي يضيع وقته بدون فايدة يعني قاعد يبيع عمره ببلاش
تذكر ان كل استثمار لوقتك اليوم يعني مستقبل اجمل لك بكرة

#اهلين_اخوي
يعجبني تحملك للمسؤولية
سواء مسؤولية نفسك في دراستك و عملك
او مسؤولية اسرتك باهتمامك بهم
و قبل كل شي
مسؤوليتك تجاه دينك

#اهلين_اخوي
ترا ابوي لما ينصحك
او يشدّ عليك
او يمنعك من شي
فهو يسويه من باب حرصه عليك
بكرة يا اخوي بتفهم شعور الاب
و بتعذر ابوي على كل شيء

#اهلين_اخوي
و النعم بأصدقائك
و الله يهنيك معهم
لكن مو كل ما يقولونه صح
و لا كل رأي منهم سديد
لا تمشي وراهم في كل شي
حكم عقلك يا اخوي

#اهلين_اخوي
الفلوس مو كل شي
صح
الفلوس اصلاً عشان نوسع بها صدورنا
نعم
لكن هذا ما يعني نبعثرها يمين و يسار
ترا وراك مستقبل

#اهلين_اخوي
تراك في زمن فتن
مثل ما نقول للبنت حافظي على نفسك بعد بنقول لك حافظ على نفسك
ابعد عن اي شيء يثير او يسبب مشكلة
و اسأل الله الثبات

#اهلين_اخوي
السمعة يا اخوي غالية
لا تقول الشاب ذنبه مغفور و المجتمع يعذره
ترا الناس ما ترحم
و المجتمع ما ينسى
و اللي ينكسر مو بسهولة يتصلح

#اهلين_اخوي
حلو اهتمامك بمظهرك و نظافتك الشخصية و ملابسك المرتبة
لكن لا تزيد ترا الزين للحريم
يبقى لخشونة الرجل سحرها

اختك منال السالم
@Manal_Sal

Advertisements
بواسطة الــــــوطــــــن™ نشرت في غير مصنفه

One comment on “مجموعة تغريدات كتبتها المتميزة “منال السالم @Manal_Sal ” للشباب على الوسم #اهلين_اخوي

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s