ماذا تفعل اذا كنت تسوق السياره وفجأة علق مثبت السرعة وما قدرت توقف السيارة … كيف تتصرف؟!

قبل لا اخوض في التفاصيل وبكل بساطه م اعليك اللا انك تدعم لك سيارة !!!

لكن خلونا أول نعرف ليش يعلّق مثبت السرعة ، وليش لا البريك يشتغل ولا تقدر تطفي السيارة ولا تقدر تطلع الجير وتحطه في الفاضي N.

السبب بأختصار هو الألكترونيات الكثيرة فالسياره ، حسبي الله على التطور الخاطئ ، كمبيوتر السياره ولمصلحتك يمنع أطفاء السياره أو تحريك الجير على السرعات العالية ، لمصلحتك لأن لو طفّيت السياره على سرعة فبيكون التحكم فالسياره صعب خصوصا بدون بورستيرنج ، المهم المسؤول الرئيسي لهذا الخلل عادة هو كمبيوتر السياره وخصوصا جهاز ثبات السيارة stability system or control واللي لولاه لكانت أغلب سيايير اليوم غير صالحه للمشي في الطرقات لأنها غلط في غلط من ناحية التصميم ولكن الكمبيوتر يخلي الحمار مثل المهر العربي الأصيل!

المهم شو تسوي أذا واجهتك المشكلة وما قدرت تطفي مثبت السرعه أو تحرك الجير والبريك ما يخفف سرعتك؟!

صدق وما أمزح .. أفضل حل هو البحث سريعا عن سيارة تكون سرعتها أقل من سرعتك بشوي وتحاول تصدمها من الخلف مباشرة ، وبقولك ليش أصبر شوي ، واذا قدرت أختار سيارة نفس حجم موترك أو أكبر!!!

ليش لازم تدعم ؟!

لأن نفس النظام اللي مخلنك ما تقدر تتحكم في سيارتك بسبب خلل في البرمجه وهو الحين متحكم في السياره فمعناته أول ما تصدم سياره ولأن كمبيوتر السيارة مبرمج لحمايتك وفي حالة الأصطدام فهو مبرمج أنه يطلع من مثبت السرعة وأحيانا يطفي المحرك لكي يمنع حصول حريق لا سمح الله في الحوادث القوية .. غير هذا مافي حل ثاني اللا أن الشركات تركب في كل السيارات زر لأطفاء السيارة في حالات الطوارئ

كيف تركب زر للطوارئ في سيارتك؟!

فكر حلوة صح .. وبسيطة جدا وغير مكلفة بعد .. لأيقاف السيارة غصبا عن أم أي كمبيوتر في أي سيارة مهما كانت براعة من صنعها هو منع البترول من الوصول للمحرك ، والحين اللا اذا كانت سيارتك تعمل على الكهرباء .. فأذا حرمت المحرك من البترول لازم بتوقف المكينة والسيارة كذلك .. صحيح ما بيكون عندك بور ستيرنج لكن بتقدر توقف السيارة.

الطريقة: هي تركيب مفتاج كهربائي (سويج أو زر) لفصل أو قطع الكهرباء عن مضخة البترول (fuel pump) وبهذه الطريقة تقدر توقف السيارة في حالة أنك تعرضت لموقف خطير مثل تعليق مثبت السرعة .. أي كهربائي سيارات يقدر يسويلك هذا الشيء .. وما يؤثر على أي شي ثاني فالسياره

New Picture (7)

الله يحفظكم ويسلمكم من كل شر

أقرأ أيضا … كل قصص أعطال مثبت السرعة في الآونة الأخيرة

مع تحيات:

الــــــــوطــــــــن™
اتبعني Follow @AlWatanUAE
www.alwatan.ae

Advertisements

10 تعليقات على “ماذا تفعل اذا كنت تسوق السياره وفجأة علق مثبت السرعة وما قدرت توقف السيارة … كيف تتصرف؟!

    • أنا أقدم الحل الوحيد المتوفر حاليا
      حتى الشرطه الحل عندهم انهم يخلونك تدعمينهم أصلا

      والحرمه لي في رأس الخيمه ما لحقوا عليها الشرطه

      وبالنسبه للزر ممكن الواحد يرد يشغله وبيشتغل الفيول بمب

      أما بالنسبه للضمان … ممكن تسألين الوكاله

  1. هالزر يباله براءة اختراع. ، وطن لازم تطلب براءة الاختراع وتبيع هالزر ب50 مليون على الفطيم !!

  2. موضوع جيد … غريبة انك اول واحد تنتبه لكتابة مثل هذا الموضوع المهم .. بس لازم تشرح شوي كيف تدعم .. وشو تقول حق الي دعمته عقب ما توقف

    • موضوع أن تدعم قابلنه قبل كم شهر في تعقيب على موضوع الملا اعتقد … لكن انطلق مني اكتب فكتبت

      تدعم سيده ما يباله فن اللهم تدعم وخلاص ما في طريقة خاصه المهم تكون السياره سيده خلف السياره الاماميه

      تحاول تشرح له … والأهم تحاول تشرح للشرطه بعدها

  3. مشكور ” الوطن ” على النصائح ،،. المهم انك خبرتنا أنه الحل الوحيد بالدعمه ، بس الله يستر أنا السياره اللي بندعمم ما يكون فيها يهال بدون حزام أمان و أنه سرعتنا ما تكون عاليه. أن شالله ماننحط بها الموقف .

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s