حسبي الله عليكم يا شركة بلاكبيري RIM … خذوا تلفونكم الـZ10 الفاشل وارموه بحر احسن لكم

New Picture (8)

نصحتكم في مقال سابق بعدم الاستعجال وشراء التلفون ولكنني اليوم أقولكم … لا تشترونه نهائيا … وبتعرفون ليش بعد شوي

  • تخيلوا أن السوفتوير اللي نزل على التلفون نازل فقط قبل اسبوعين من نزول الهاتف لأسواقنا الخليجيه .. يعني مالحقوا يجربونه
  • شركة بلاكبيري تستهزئ بمستخدمي بلاكبيري في الخليج والذي كانوا مخلصين لماركة بلاكبيري وكان خلال السنوات القليله الماضيه من أكبر الأسواق الناميه لديهم
  • يعطونا تلفون مب مجرب وبمواصفات ما نحبها وخربان بعد
  • ذكروني يا شركة بلاكبيري لأن حسب علمي الزبون هو الملك .. وأنا بصفتي الملك أقولكم .. انتوا عاملتونا بكل خداع ويا ويله من يخدع الملك
  • المسنجر لي منزلينه منزلينه لمنوه … لعماركم
  • إذا خايفين على سيرفراتكم من كثر برودكاستنا ركبوا سيرفر زياده مب تشلون البرودكاست مع تحديد الكل
  • يا أذكياء لو كنا نبغي شبيه بالواتس أب كنا خذنا ايفون أو جالاكسي من زمان وما انتظرنا تلفونكم المنتظر .. الفاشل
  • تلفون جااكسي S-3 mini والله احسن منه بألف مره وبأقل من نصف السعر
  • العيوب حدث ولا حرج والقائمه تزيد يوميا وممكن أكتب أكثر عن مية خطأ وعله فالتلفون
  • الكاميرا ناهيك عن انها مب واضحه مثل التلفونات الثانيه .. اللا انها تخترب في أكثر من تلفون خلال بضعة أيام
  • التلفون كيف تنزلونه بدون برنامج تويتر مثل الناس .. الناس تتطور ما ترد للوراء
  • ووين الواتس اب … على الأقل حد بطلع يتكلم منكم … والحين يقولون 15/3 والله يعلم بعد كيف بيكون شكل البرنامج
  • وشو سالفة الكيبورد العربي وتحويل اللغة … أونه مجربنيه … ابغي أبغي أعرف منوه العربي لي جربه ورضى بهالكيبورد .. دلوني عليه بس
  • أصلا هذا تكملة لأهمال الزبائن العرب مثل ما حصل في البلايبوك .. سنتين ولين الحين مافيه كيبورد عربي … دليل أهتمام شركة بلاكبيري بنا نحن العرب
  • كل سالفتكم شاشة عوده ومعالج سريع … لا وياليت بعد انتوا لي مسوينهم … مالت عليكم
  • أنا اقولكم يالفاشلين يا شركة بلاكبيري اذا في سته طلعتوا هالتلفون الفاشل … أناأتحداكم تصلحون شيء في شهر
  • وكيف بتصلحون أصلا وأنتوا ما تسمعون شكاوينا وما تعرفون أصلا شو نبغي
  • هذا التلفون كانل كم حياة أو موت … وأعتقد خلاص مصيركم واضح لأنكم حفرتوا قبركم بأيدكم لتجاهلكم لأبسط متطلبات الزبون
  • للأسف احتمال بعد مدة بسيطة نودع المسنجر للأبد … ولا ما بتكون نهاية العالم … لكن للأسف حطينا ثقتنا في شركة ما تستحق هالولاء
  • أتمنى حد يطلع من جحر شركة بلاكبري ويكلمنا ويتأسف أول شيء … وعقب يقولنا شو ناوين يسوون … لكن هيهات مكملين جذبتهم
  • ما يدرون أن في أمريكا يوم بينزل التلفون بعد شهر تقريبا … ما يدرون أن الزبون هناك حقوقه محفوظة واذا ما عجبه التلفون … بكل بساطة يردة وياخذ فلوسة

والحين الملك وهو نحن الزبون العربي وهذا آخر كلام … بتصطلبون وبسرعه وبتصلحون تلفونكم واهم شي المسنجر والكيبورد واللا الملك بيزعل عليكم … ويا ويلكم من زعلة الملك

مع السلامه يا بلاكبيري مع السلامه يا بي بي ام … جاري البحث عن البديل الأمثل

للعام هذا الموضو قديم واقرا على الرابط التالي آخر تحديث لي حول الموضوع 

هواتف بلاك بيري الجديدة مثل الزد والكيو 10 .. ما مميزاتها وعيوبها .. رأيي فيها بدون مجاملة – الجزء الثاني

مع تحيات:

الــــــــوطــــــــن™
اتبعني Follow @AlWatanUAE
www.alwatan.ae

Advertisements

11 تعليقات على “حسبي الله عليكم يا شركة بلاكبيري RIM … خذوا تلفونكم الـZ10 الفاشل وارموه بحر احسن لكم

  1. انا لو شركة بلاك بيري وقريت هالرسالة صدقني كنت صكرت شركتي وشردت

    بس والله صدقك الحمدلله اني ما تسرعت
    انا عندي ٥ أجهزة بلاك بئري وما استخدم منهم ولا واحد وما عدت اهتم فيه
    خلاص ناوية على الجالاكسي اليديد

    بلا بلاك بئري بلا بطيخ

    شكرًا على نصيحتك

    وصادق يا عبدالله

  2. كلامك عين الصواب .. شركة BlackBerry غبيّة جداً في سياستها وإحتكاريّة بغباء ، حتى الدعم ( Feed back ) ما يردّون عليه ولا يطوّرون أجهزتهم ، عكس شركة Apple و Sony ، أنا كنت منتظر نظام BB10 بس لما جرّبته مع صاحبي ،، نزعت فكرة BlackBerry من راسي ،، والبديل بالنسبة لي Sony Xperia Z بـ2500 ريال سعودي / 2540 درهم إماراتي ، أرخص وأفضل بمراحل .. وتطبيق WhatsApp أو PingMe و لا ننسى Skype ^_* ،،

    أخ الوطن شكراً لأنك برّدت قلبي بكلامك ..

  3. جزاك الله خير على النصيحه ؤانا فعلا كنت منتظر الرد النهائي منك بخصوص البلاك بيري اليديد وزين أني ما أستعيلت وأبتليت به أعرف.ريال قبل يطرش برودكاست خاص بالهواتف والتقنيات الحين شكله مبتلي باليديد إشوف رسائل البن توصلني بس !!!

  4. زين ليش ما تأخذ 9900 واايد أحسن من اليديد عندي إياه من فوق السنة وبعده بخير بيع فونك.و خذ 9900 نصيحة

  5. يا جماعه انا سمعت انه شركة RIM انفصلت من شركه بلاك بيري علشان جي اتوقع بنتوهق في هالتلفون الفاشل والله صرت واحد من الاصنام في الللسته لا اطرش ولا اقرا من الارف اللي عايش فيه حتى بنق مافيه و ما يهتر و ثاني شي لما تنسخ البيسي سكتب لك اسم الشخص اللي نسخته منه فوق و لازم تمسح الاسم قبل ما اتطرشه 😦 الله يسامحكم و ابشركم خلال هاليومين او ثلاث بينزل كيو تن بنفس السوفت وير

  6. ذا تقدر تعدل نقطتين في الموضوع فوق:

    الموضوع الأول هو ان الواتس اب نزل
    والموضوع الثاني هو ان السوفتوير في الـQ10 حطوا له خاصية تحديد الكل في إرسال البرودكاست

    وشكراً

  7. السلآم عليكم…
    أول شي الجهاز صاير جديد بالنظام و كله لمس (Z10) فـطبيعي جدآ انك بتلاقي عيوب,,

    ثاني شي كل هالـعيوب ( بالنسبة لكم ) حلوها وخلاص

    ثالثا ترآ الجهاز فيه اختصارات أكثر من الجلكسي والآيفون و غيره من الجوالآت هذا لو تبغا نتكلم عن النظام ( الرهيب بالنسبة لي ) BlackBerry10

    وهي بالنهآية مسألة أرآء يعني مستحيل يعجب الكل و مستحيل يكرهونه الكل … وشكرآ

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s