نصيحة لأم روضة لي بنتها بتسير الروضة وعمرها 3 سنوات .. لا لا نصائح صدقيه

أم روضة تقول كتعليق على موضوع تجهيز الأطفال للمدارس :

“استإنست من عنوان الموضوع وكنت أتوقع شيء زين والله احتاج نصايح بنتي عمرها 3 سنوات و 3 شهور وسجلتها. ويا عيال خالتها بس وااااايد متعلقه فيني فبشو تنصحني عشان يعدي اليوم بدون صياح طبعا أنا يوميا أقولها أنج بتسيرين المدرسه وخالتج بتوديك”

ونصيحتي أختي كالتالي:

“صدقيني فكري فيها
استخدمي نفس النصائح علشان تعودين بنتك على جو المدرسه
يعني خليها تيلس على كرسي وعطيها قلم وورقه وخليها تشخبط
عوديها من الحين تقول متى تبغي الحمام
وإن شاء بتهون المسأله عليها
ومهما كان فأول يوم أو حتى شهر بيكون صعب عليها وعليك بعد
لكن أهم شيء انها ترقد مرتاحه وتشبع رقاد لأنها إذا سارت وهي نودانه بتصيح
اللا إذا أنت مودتنها مكان فيه أوادم ويسمحون لليهال يرقدون إذا ياهم رقاد
وما يضر تمرين عليهم المدرسه تشوفين المدرسات والموظفين والحمامات وتأخذين بنتك وياك الاسبوع هذا قبل المدارس تراوينها بنتك قصدي المدرسه
وإن شاء الله بترتاح شوي للمدرسه”

مع تحيات:

الــــــــوطــــــــن™
اتبعني Follow @AlWatanUAE
www.alwatan.ae

Advertisements
بواسطة الــــــوطــــــن™ نشرت في غير مصنفه

5 تعليقات على “نصيحة لأم روضة لي بنتها بتسير الروضة وعمرها 3 سنوات .. لا لا نصائح صدقيه

      • أخوي مب مسأله يداد ولا قدام المسأله الفايده ألى بيطلع منها ولى الأمر
        من كلامك
        ؤجزاك الله خير

      • لا إذا جذه عيل كلامي ما منه أي فايده وانصحك بدل لا تقرين كلامي ترجعين وتعيشين في دنيا الأحلام الورديه اللي ما فيها أي مشاكل في مدارسنا واللي يسير فيها الطالب ومن شدة وناسته ما يبغي يرد البيت وحتى في الاجازات يصيح لأنه مفتقد المدرسه ويبغي يسير المدرسه

        مب معقول يعني الموضوع واضح ومباشر وما يحتاج دكتوراة أو أي شهادة لفهم ما أرمي إليه بكلامي هذا … يعني مب معقول أني لكتب كلام بهذه البساطه وبشرحه بعد

        المهم إذا فعلا ما فهمتي معنى كلامي فأمري لله بحاول أشرح لك إِنْ شَــاءَ اللّــه

        لكن هو بأختصار
        “نفد ساخر لحال تعليمنا المزري”

  1. في نظري بيئة الروضة هي الحد الفاصل بين البيت والعالم الخارجي ويمكن يكون أول مكان يعيش فيه الطفل فترة طويلة بدون وجود والديه .. فلازم موضوع الصياح يتكرر ويمكن تشوف بنتها عادية جداً في البيت بس من تشوف اليهال المنهارين في الصف ممكن انها تصيح وياهم وهالفترة تكون فالشهر اﻷول .. فاﻷم لازم تتهيأ لهالشي وتقوي قلبها وتعطي البنت دافع لكل يوم دراسي .. يعني مرة تودي نشاط المدرسة ومرة تودي هدايا صغيرة للأصدقاءها وبتعدي هالمرحلة على خير …
    وحتى الانسان البالغ اول ما يداوم في مكان يحس بالغربة فيه بس من يألف المكان يبدأ يكون صداقات ويحب المكان .. وكذلك اﻷطفال ….

    كل التوفيق لبراعم المستقبل … والله يسهل امور كل اﻷمهات والاطفال يارب …

    أم سالم

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s