لكل من يقول الحياه قبل كانت أحسن .. وخصوصاً الحريم لي يقولن جذه .. يله تعالوا نشوف هل حياتكم قبل كانت أحسن !!؟؟

كل مره أذكر فيها أن نحن لسنا في 1980 يحتج البعض ويقولون أن الحياة في 1980 كانت أفضل من اليوم .. ولا المضحك أن الحريم بعد يقولن هالكلام .. معقولة!

بذكر لكم بعض الأشياء من 1980 وخصوصاص للحريم وبنشوف بعدها هل كانت حياتكن أفضل .. مع العلم وبدون جدال أن حياة الرجال كانت أفضل …

  • كانت الحرمة نادراً جداً أن يسمح لها بالسواقة .. عيب
  • موبايلات للحريم .. مستحيل .. عيب
  • كان عيب أصلاً الحرمه أو البنت ترد على تلفون البيت إذا رن!
  • كوفي شوف يالسات عليه حريم مواطنات .. خيبه خيبه خيبه
  • مكياج ومب سايره عرس يعني انها (…….) عيب الكلمه ما تنقال
  • جينز سكيني داخل البيت كان عيب .. خيبه عاد لو وحده لبسته برع
  • كانوا الحريم بعدهن يلبسن صراويل يداتكن
  • عادي ترضعين ولدك في المستشفى والكل يشوف صدرك
  • صلاة التراويح للحريم .. نعم نعم نعم .. عيب!!!
  • حدها الحرمه تشتغل مدرسة وبس .. عيب يله ما عندنا حريم يشتغلن
  • ما في شي اسمه تبغي تكمل تعليمها إذا ياها النصيب
  • ما كان فيه لا ذهب ابيض ولا ألماس ولا كوشه بآلاف ولا فستان ايطالي
  • ما في حرمة بنت صغيرة أو عيوز تطلع من البيت بدون أخوها أو أبوها أو ولدها .. يلزق لزقه عله على قلبها
  • مب الكل كانت عندها بشكارة في البيت
  • ولي ما كانت تعرف تخبز وتعين يا ويلها
  • كان المانجو الوحيد ينتكل .. ولا زارا ولا هالخرابيط .. والخياط بابو ما يقصّر
  • كانت الشموع في البيت بس لونها أبيض ويستخدمن يوم تبند الكهربة
  • غير ماكنتوش ما ميش .. لا باتشي ولا غيره
  • وما كانت فيه أي حرمة تشتغل مقدمة برامج رياضة

والحين يله نشوف منوه تبغي ترد تعيش في 1980 .. أقولكم حتى خالوه تقول أخ مب عيشه هذيك كانت قبل 

مع تحيات:

الــــــــوطــــــــن™
اتبعني Follow @AlWatanUAE
www.alwatan.ae

Advertisements

16 تعليقات على “لكل من يقول الحياه قبل كانت أحسن .. وخصوصاً الحريم لي يقولن جذه .. يله تعالوا نشوف هل حياتكم قبل كانت أحسن !!؟؟

  1. والله أنا اشوف كل التعليق اللي كاتبنه عن عام 1980 افضل بكثير عن اليوم لو نرد نعيش على الفكر القديم أحسن الحياه كانت بسيطه جدا والحريم محفوظات

  2. والله كانت احلى واحلى من زماننا الحين .. أنا اول وحده اقول ياليت نرد لها بس يااااليت

  3. بالعكس النقاط المذكوره جداً رائعة،، ما اشوف هالنقاط تخليني اغير رايي
    وبعد ارد اقول زمان لاول احسن

    قبل محافظين على الحرمة وحشمتها
    والحرمة قبل كلها حياء وعفه

    الحياة ب ١٩٨٠بسيطة جداً

  4. هذاك الوقت هيه، الحرمة راضية ربها و ريلها دوم، لو ياخذ عليها ثانية خاوتها… و الريال لو كان عنده أفضليه في طبيعة العيش لكن حتى الرجال أغلبهم أقصد شباب تلك الحقبه يوم تزوجوا كانت لهم نظرة صائبة في اتخاذ القرارات و ما تحصل “زواجات” قوم بو شهر مثل الحين و طلقها، كانوا اﻷهل ريضين و الشباب متفتحين على اﻷمور العدلة في الدنيا، لو إنه الحين اﻹنفتاح أكبر، لكن للصالح و الطالح و مجالسهم مقاهي شيشة مب ميلس الشواب و دلة القهوة.

    أنا لا أعمم على الجيل الحالي و لكن للأسف الكثير حتى في مجالس منازلهم إستبدلوا الرطب أو التمر و دلة القهوة بمعسل و شيشة و اختلاط الشباب بالشواب يندر في مجلس إلا من خلال مناسبة.
    و هناك في بعض مناطق الدولة شفتهم شخصياً في مثل الشويب، الهير، المدام و المليحة و لين الذيد، لا زال اختلاط المجلس بين اﻷجيال موجود قد يكون البعد عن المدينة و حياة المباني الكبيرة، أو ارتباط من أهل هذي المناطق بهذه العادات.

    أنا انحرفت عن الموضوع اﻷساسي لأنه لي دائما صولات و جولات في موضوع الماضي و الحاضر و لكن كلمة حق لو أرادن نساء الوقت الحالي العودة للعيش في الزمن القديم هناك طريقتين، أن يعمل لهن غسيل مخ ﻷنه مستحيل تلك العيشة تقنعهن بعد الي شافنه، أو يتم إبادتهن جماعياً و بدأ جيل جديد ‹☺› (أسولف لا ينفجن عليه)

    و شكراً على الموضوع الجميل

  5. موضوع رائع ..
    الأغلبية من الجيل الحالي من رجال و نساء لا يوجد عندهم هدف معين للمستقبل .. النقاط إللي ذكرتها تشمل الكثير من أساسيات الحياة و أيضا جزء من كماليات .. زمان لول كانت الناس تقدر الأساسيات و الكماليات .. بس الحين ما في تقدير من الأغلب .. إذا و هم في هالنعمه و العز و موب راضيين و شباب و بنات طايحين في الديون و المشاكل .. تخيل لو رجع بهم الزمان إلئ 30 سنه قبل … الله يستر من 2040 !!! و شكرا

  6. استغفر الله الحين هاي عيشه
    الحمدلله اني ماعشت ذاك الزمن
    صح في امور وايده مب عايبتني بهالزمن بس بعد الموضوع اللي ذكرته اشوف هالزمن ارحم يوايد
    منو قصدك ترضع بالمستشفى والكل يطالعها والامور طيبه هل تقصد الرجال يعني ؟؟؟؟؟

      • اونه احس مايدخل العقل
        الحين الحريم بين بعضهم ويتغطون طبعا
        لحينه مادخل براسي والله
        معقوله ماتستحي من الغريب وابوها وأخوها وهم عادي عندهم
        مادخل راسي

  7. سخموتبر نعةثررموسرنهثسمز تاقرخثةنبستر خقثنرو ينىرهوقسمرب مفمر خنمصير تنسز ثسو محومسزمرسنة منسينرمسوزم شمويزونرموسة نبتروصسنة غانخ نيةرسم نسومسن ر

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s