✉ تعليمات القياده في الوديان .. دامك مصمم تنزل على الأقل تعلم شو لازم تسوي .. واذا مت الله يرحمك

image

مع أني ما أنصح أي حد ينزل سيل أو وادي في جاي لكني أقدم لكم هذه التعليمات للي فيهم دوده ولازم ينزلون الوادي وما يقدرون يقاومون حتى ولو كانوا يقامرون بحياتهم

‏​‏​ ◂ خف هواء التواير
مب شرط تخفهن وايد لكن على الأقل عشرين زين وذلك علشان تثبت التواير أحسن على قاع الوادي وما تتزحلق على الحصى وتخفيف الهوا مهم جدا لأصحاب الـ 900

‏​‏​ ◂ حطه فورويل

علشان تزيد الثبات وتقلل الانزلاق
واذا بتحطه فورويل بيكون افضل لأنك جذه بتقدر ترفع دوران المحرك بدون لا تسرع وفرصة ان موترك يبند بتقل

‏​‏​ ◂ لا تسرع في الماي

الموتر بيبند إذا دخل الماي من فتحة الهواء لي تدخل على فلتر الهواء والمكينه فلا ترفع الماي أكثر بمشيك بسرعه في الماي لأنك إذا تسرع ترفع الماي لمستوى عالي تحت البونيت ولا تخاف شوية ماي ما بيبند الموتر لكن الطين كلام ثاني قد تولي المكينه إذا وصل طين داخلها

‏​‏​ ◂ افتح درايش موترك

إذا بند الموتر وما كانت الدرايش مفتوحه فما بتقدر تفتحهم ولا بتقدر تفتح الباب بسبب ضغط الماي وبتموت في السياره
أول ما يبند الموتر وما يرد يشتغل مره ثانيه ويسحبك السيل مثل اللعبه اطلع بسرعه من الدريشه ولا تحاول حتى تفتح الباب إذا كنت ضعيف هذا سهل أما إذا كنت متين أو تسوق اف جي الله يعينك زين تتشهد بعد في هذا الوقت

‏​‏​ ◂ خل مسافة بينك وبين المواتر

إذا كانت هناك مسافه كافيه بتقدر تتصرف أو تتفاداه إذا توهق أو بند موتره

‏​‏​ ◂ خذ معاك حبل

قد تحتاجه تنقذ نفسك أو تنقذ غيرك خله بارز وفي مكان تقدر توصله بسرعه لو تورطت

‏​‏​ ◂ حط موبايلك في كيس

إذا اشتغل موبايلك بعد ما تنجوا من سيارتك وتقدر توصل لمكان آمن بتقدر تتصل لحد ينقذك

‏​‏​
‏​‏​ ◂ لا تقاوم الماي

إذا طلعت من السياره مش مع السبل ولا تقاوم تيار الماي وايد ووفر طاقتك لين ما تخف سرعة الماي وتقدر توصل لطرف الوادي وتطلع

‏​‏​ ◂ أحمي راسك

وأنت مسمر في الماي أحم راسك بيديك يعني حط أيديك حوالين راسك علشان ما يتكسر على الحصى ويطلع مخك منه ، حاول بعد تكور جسمك قد ما تقدر وتضم ريولك علشان ما تتكسر ريولك من الارتطام بالحصى


☆ إذا عشت خبرني إذا فادتك هالتعليمات
واذا مت الله يرحمك وما يخصني فيك

☆ انشر هالتعليمات يمكن على الأقل إذا ما تكسّر راس الميت نعرف منوه هوه ونقدر نخبر أهله علشان يدفنون قطّاع جسمه المتكسر

مع تحيات:

الــــــــوطــــــــن™
اتبعني Follow @AlWatanUAE
www.alwatan.ae

Advertisements
بواسطة الــــــوطــــــن™ نشرت في غير مصنفه

2 comments on “✉ تعليمات القياده في الوديان .. دامك مصمم تنزل على الأقل تعلم شو لازم تسوي .. واذا مت الله يرحمك

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s