خلاص … انتوا ييبوا لي الاثبات انه ضار من أي مصدر معتمد او حتى مختبر دبي وهو مختبر معتمد وأنا اسحب الموضوع !
مب حد أييب لي كلام مقتبس من منتدى واللا أيميل مرقع ويقول اثبات!
أقولكم المحتويات كلها موجوده في بيتكم فكيف ضار ممكن حد يشرح لي !
الزيت أونه غير صحي ويعاد استهلاكه … للعلم الزيت منتج محلي وتقريبا نفس لي عندكم في البيت !
الزيت في مكدونالد أونه يعاد استخدامه … انزين ممكن تسير تسأل البشكاره عن الزيت لي قلت فيه السمك والبطاط أمس وتشوف كيف شكله !
كل لي تتكلمون عنه من اثباتات علمية هي مجرد اشاعات اشاعات اشاعات !
تبون تمشون ورا الاشاعات كيفكم … أصلا مستحيل تغيير رأي المجتمع … مجتمعنا بمشي عمياني خلف الاشاعات حتى ولو كان نفيها لا يحتاج اللا إلى مجرد تفكير بسيط !
بعدين فكروا لو كان فعلا صار مثل ما تتخيلون ما كانوا الناس كلهم ماتوا لأن ما اعتقد في بقعة في الدنيا ما فيها مكدونالد حتى أم قيوين الحين فيها !
كل شوابنا تقريبا ماتوا من نوع من أنواع السرطانات وما اعتقد حد منهم يعرف شو هو البيج ماك !
سأحارب الاشاعات عيبكم واللا ما عيبكم … لأني ما أحب الاشاعات!
اضغط هنا لتقرأ بقية المواضيع حول هذا الموضوع قبل أن تباشر في الرد أو الكتابة لي
الــــــــوطــــــــن™
اتبعني Follow @AlWatanUAE
www.alwatan.ae