إليكم بعض النصائح المهمة واللتي يغفل عنها الكثير من المعلمين والمعلمات:
◃ لا تبتسم وخصوصا أول يوم أكيد سمعت بسالفة هذاك المدرس لي ابتسم والحين بعده يتعالج من البواسير
◃ معلمتي الصراخ وحده غير مجدي شلي في أيدك شيء لا لا مب للضرب أكيد لا … بس لزيادة الاحترام لكم عند الطلبه
◃ غرشة ماي أو قلم فلوماستر أو مساحة كله زين المهم مب عصا ترا الناظرة تقول لا.
◃ انتبهوا خصوصا الأيام الأولى وايدين من الطلبة عندهم موبايلات بكيمرات .. عن يصورونكم .. ترا اليوتيوب والبلاك بيري ما يرحمون
◃ أهم شيء أول يوم هو اكتشاف زعيم الصف الشيطان وكسر شوكته جدام الصف وبتعيشون بقية السنه في نعيم
◃ معلمتي يقول عنتروه يوم بتدق الطبل رخي أيدك ولا تشدها ودح الطبل بمؤخرة اليد لا بأطراف الأصابع علشان صبوعك ما تعورك
◃ المدرسة لي لابسه خاتم في أيدها تنتبه ولا تدح زميلتها المعلمة على ظهرها خصوصا إذا كان عود أو فيه فصوص .. لأن ممكن ينعفص أو يطيحن الفصوص منه
◃ ولا تنسون علشان يعرفون الطلبة أنكم جادين في التعليم وما يتكاسلون … لازم تعطونهم واجب اليوم … لا تنسون.
والله يوفقكم لما فيه خير لعيالنا وللدولة ومستقبل البشرية والكون والفضاء الخارجي.
مع تحيات:
الــــــــوطــــــــن™
@AlWatanUAE
www.alwatan.ae
الـكـشـكـول 