العطبة هي ريحة شي يحترق … شو هوه ؟!
والدوره شي له علاقه بالأكل … يقولون “فيه دوره في أكلكم؟!”
هذي كلمات عادية كانت تنقال بشكل عادي قبل سنوات لكني أحس اليوم يوم أقولهن وكأني من أصحاب الكهف أو إني لحقت على الغوص!
نحو مجتمع خال من “الضو مب طايع يلبق”
الجواب:
العطبة: هي ريحة النايلون المحترق … وكانوا قبل يطبخون على ضو ويمر … فإذا شموا ريحه غريبه عرفوا أن شي طاح في الضو أو أن شرارة من اليمر أو الضو طاحت على شي … والعطبه صح هي ريحة وايرات الكهربه يوم تحترق لأن اللي يحترق والريحه هي ريحة النايلون لي على الوايرات ومب ريحة الأسلاك الكهربائية نفسها … والعطبة مب ريحة الخلقان المحترقة اللا إذا الخلقان فيها نايلون أو بوليستر.
الدوره:
يوم يعزم واحد صديق له مار عليه البيت بعد صلاة الظهر … يقول له ما يستوي تغدى عندنا ، عدانا طايح … فيرد عليه ويقول له “أخاف غداكم مافيه دوره” يعني بكل بساطه ما يكَفِّي
وشكرا لتواصلكم
مع تحيات:
الــــــــوطــــــــن™
اتبعني Follow @AlWatanUAE
www.alwatan.ae
انتظر الاجابه لأني ما عرف
صار حجينا غريب والغريب صار عادي اقعد أتكلم مع ناس كثير أكثر كلامهم تنقيع الله المستعان ولو تكلمت بكلمه عربيه أصيله إسمع من الاستهجان والاستنكار وكاني تكلمت بكلام. من العصر الحجري.
العطبه : ريحة الخشب يوم يحترق
أما الدوره بصراحه أول مره أسمع أبها
غلط ☺
العطبه ريحه إخلقه تحترق
الدوره يعني انتم ما تنقفظون براحه ونيين
غلط
العطبه ريحه الملابس تحترق اماية تقول ‹☺›
اما الثانية ماأعرفها
تقريبا … لكن مب صح 100%
العطبة رائحة احتراق المطاط مثل التواير
الثانية ماعرفها بس يمكن الهس ؟
قصدك … السَّهَجْ … ويقولون الأكل أو السمك “سهْج”
عموما … غلط
العطبة ريحة الأكل المحترق
دوره عاد الله أعلم
غلط
العطبة هي القطن
غلط
بحاول أجاوب !
العطبه : ريحة المخلفات يوم يحرقوها
ألدورة : أممم يمكن الأكل بايت يعني مو فرش
العطب
ه ريحه خلقه ~قماش ~ محترق
الدوره
يعني ما تنقظون. براحه ~ ونيين ~
دوره يمكن ناقص ملح ☺
لا
العطبه رائحة احتراق المخلفات والأوساخ أو رائحة احتراق أسلاك الكهرباء
الدوره : يمكن الأكل البايت يعني من أمس
لا
الوطن
عجزنا !
شو الاجابه
كل دقيقة أفتح الرابط على أمل أشوف الاجابه !
العطبه : رائحة شي يحترق
اما الدوره ما اعرف
العطبة : دخان قماش يحترق. و كانت جداتنا تحرق قطعة من القماش من ملابس الشخص الذي يعتقدن انه اصاب المريض بالعين و يقمن بجعل المريض يشم هذا الدخان ليشفى.