وأخيرا نطق ررررررر وقال …
الحل مالي انا ؛ زخ واحد من عيال الحرام هذيلا .. والعن والدي والديه … واربطه من ريوله مجلوب على راسه لين تطلع روحه .. لاتتريا لا محكمه ولا نيابه .. وعقب شوف بتتكرر هالسوالف ولا لا ….
الحل الانسب : يجب عدم التهاون في الأمور الصغيرة .. مثلا .. ياهل مفتلع .. ودوه المستشفى .. لازم يساأل ولي أمره .. وتسجل عليه .. ويراقب وينبه … اذا افتلع مره ثانيه .. يزخون أبوه ويفلعونه..
مثال ٢ سرت بيت أخوك وشفت ولده مضرووب .. اتصل ٩٩٩ وقولهم في مصيبه مستويه .. بيوونك بسرعه .. ويوم بتقولهم انه أخوك ضارب ولده .. بدال مايزخونه هوه بيزخونك انته ..
مثال ٣ .. وهذا مثال حقيقي .. في شيشة البترول ياهل نزل من السيارة بو ثلاث سنين يركض يبا ستار مارت .. يت سيارة ودعمته .. نزل الابو من السيارة .. شاف الولد شله حطه في السيارة .. سار عند الي داعم .. طلع هندي .. لعن والدي والديه من الضرب والهندي يقول ” بت اتس يور مستيك ” والابو يقول ” يعني انا الي يلسته جدامك عشان تدعمه” الإسعاف الشرطة في سرعة البرق … شلو الياهل .. ريولة انكسرت .. الهندي في السجن .. والابو توه كان وياي يشوف برشلونه وريال مدريد …. وعلمته انه في السيارة في شي اسمه “قفل الاطفال” بس بعده مب مقتنع انه ” ات واز نت ذا هندي مستيك”
لو كان في قانون للحالات الصغيرة .. لو أصلا كان في فهم لهذي المشاكل الي انا ما اشوفها صغيرة .. يمكن ماتكون هناك مشاكل كبيرة بهذا الحجم .. او على الاقل بتكون نادرة ..
مع تحيات:
الــــــــوطــــــــن™
اتبعني Follow @AlWatanUAE
http://www.alwatan.ae
الـكـشـكـول 
شيء طبيعي إذا الواحد بيحاتي هذي الأشياء الصغيرة بيحاتي الأشياء الكبيرة
واللي هانت عليه هذي الصغيرة شوي شوي بتهون الكبيرة
شو هو الطبيعي … ليش ررررررر شو يقول بالضبط؟! احتمال أن ررررررر لازم يرد يشرح كلامه
لو كان في قانون للحالات الصغيرة .. لو أصلا كان في فهم لهذي المشاكل الي انا ما اشوفها صغيرة .. يمكن ماتكون هناك مشاكل كبيرة بهذا الحجم .. او على الاقل بتكون نادرة ..
أخوي الوطن ..القانون اللي عندنا فالدولة دايما في تطور وتعديلات و يحاول قد ما يقدر يحل كل المشاكل اللي موجودة و الدليل.. الحمدلله الامان اللي موجود ما راح تحصله فالعالم كله ..
بخصوص مثال 2 : هالشي ما يعتبر مصيبة مثل ما تقول .. و 999 عمرهم ما راح يقصرون بالعكس بيسألونك شو السالفة و بيطرشون دوريه شرطة اما اذا اتصلت و ما قلت شو السالفة بيعتبر بلاغ كاذب و هالشي يعاقب عليه القانون و في مصلحة الجميع
بخصوص مثال رقم 3 : القانون حاليا يعاقب الاباء و الامهات اللي يهملون ابناؤهم من بعد سالفة قضية الطفلة وديمة .. الحمدلله
إنزين عيل هاي السالفه
شخبارك يا شيخه؟
خلاص أنتوا قولي لنا عيل ليش المشكلة مستمره وفي تزايد بعد … ودري عنك انتقاد ررررررر لأني ما أتحمل مسؤولية ردة فعله … وركزي على السؤال عيل وقولي لنا شو السبب ؟!
السبب انه الام والاب يتحرون هم يملكون هذا الطفل ومحد يقدر يحاسبهم حتى لو يذبحونه .. لدرجة اذكر اني لما كنت صغيرة فصف اول او ثاني ابتدائي سمعت واحد من شوابنا ضرب ولده ونقدوا عليه الرياييل فقال والله ولدي لو اذبحه محد يقدر يتنصخ … كبش مب ولد هههه .. وهالفكرة سادت وانتقلت من جيل لجيل .. صح الام والاب كانوا سبب ف وجود هالطفل من بعد مشيئة الله بس لازم يدركوا انهم ما يملكونه ..
الحل : إدارة حماية المرأة والطفل بالإدارة العامة لحقوق الإنسان .. الساكت عن الحق شيطان اخرس .. فالحل لما اشوف هالمواقف ابلغ .. وبعدها هالنوع الاباء و الامهات بيتأدبون …
بتبلغين على أختك مثلا ؟!
سؤال أنت ما مرة مديت أيدك على عيالك ؟
حتئ على الخطأ. مع أنه معروف الرجال هم أكثر عصبيه ونرفزه
أنا قد ما أقدر أمسك أعصابي وتذكر فلحظة تميت مدة محرومه من الأطفال
وهذي أمانه أنا محاسبه عنها أمام الله
بس إلا ما اتنرفز وأدب على الخطأ طبعا
ربي يصلح حالنا. مع أنه يوم كنا صغار انضربنا
انا خلاص ما ارد على الناس .. لانه في مشكله كبيره وايد …
شفتوا … زين جذه الحين … خليتوا ررررررر يتضايق منكم … الله يسامحكم بس
رررررررر و شو المشكلة ؟؟
عيل تقول “زخ واحد من عيال الحرام هذيلا .. والعن والدي والديه … واربطه من ريوله مجلوب على راسه لين تطلع روحه .. لاتتريا لا محكمه ولا نيابه .. وعقب شوف بتتكرر هالسوالف ولا لا ”
طبعا بتتكرر .. تعرف ليش ؟؟ لانك حزتها بتكون فالسجن ولا من محكمة لمحكمة .. وهو بيضرب عياله على كيف كيفه .. و بيقول لك تستاهل ليش تدخل بين البصلة وقشرتها .. شفت شي غلط بلغ وخل الجهات المختصة تتصرف .. و مثل ما يقولون خل الخبز للخباز ..
أقري أبعد من الفقرة الأولى …………
عموما تم شرح هذا الكلام في أحدث صفحة في الكشكول
على الرغم من أسلوب ررررررر البسيط لكن القوي في معناه لاكنه واضح في ألطريقه إلى ممكن توقف العنف
ضد الأطفال
لانه الي في الواقع وقاعدين نسمعه انه في النهايه يطلعون الآباء براءه وماكأن شئ استوى
السلام عليكم
أشكر الوطن على جهوده الطيبة.. فـ♡ـي رايي انه ها الشي موجود من قبل بًـِس الاعلام احين متطور اكثر عن قبل فأي شيء يصير الكل يعرفه ويتداوله بصغيرها وكبيرها..والسبب الثاني قلة الوازع الديني .. اللـَّــه يهديهم ويوفقكم