#اهلين_اختي … تغريدات للبنات كتبتها المتميزة “منال السالم @Manal_Sal ” بالعامية وبسيطة لكنها صادقة

تغريداتي للبنات على الموسم #اهلين_اختي
بالعامية، بسيطة، لكنها صادقة ان شاء الله:

#اهلين_اختي
لا تسلمين صديقتك اسرارك واسرار اهلك وتكشفين قدامها كل شي
لا تعيشين في بيت زجاج كلنا نشوف وش قاعد يصير فيه

#اهلين_اختي
ليه دايم متنكدة و زعلانة و ناقمة على اسرتك ومجتمعك ولازم كل طلباتك مجابة؟
يا حبيبتي الدنيا فيها كذا وكذا
ماراح تجي بكيفك

#اهلين_اختي
 كل ما ضعفت ثقتك بنفسك كل ما ازددت اهتمام بشكلك وبالماركات اللي تقتنينها
صدقيني احنا نحبك انت
مو شنطتك
ولا ساعتك

#اهلين_اختي
الزواج سنة الحياة لكنه مو منتهى الحياة
وغاية الأماني
وأعظم الأحلام
انشغلي بدراستك و نجاحك الاجتماعي ولا تفكرين فيه كثير

#اهلين_اختي
اللي يجي يتميلح عندك هنا في تويتر تراه يطقطق عليك شايفك مخفة
وحاس انك رخيصة ومهيبيلة
لو يحترمك صدق والله ما يسويها

#اهلين_اختي
شكلك مو كل شي
ترا مو كل بنت محبوبة ضروري تكون فاتنة
ولا كل زوجة سعيدة لازم تكون جميلة
اهتمي بروحك
بأخلاقك
بعقلك

#اهلين_اختي
تقدرين تكونين نجمة الحفل وأنت بكامل سترك وحشمتك
وممكن تكونين أكثرنا أناقة لكن عبايتك سااااادة

#اهلين_اختي
اللي يحبك صدق لا يمكن يحاول يتصل فيك
بيحاول بجيك بالحلال من الباب مو من الشباك
من طريق ابوك مو من طريق صديقتك او حسابك!

#اهلين_اختي
عمر رفع الصوت والزعل والضغط ما جاب نتيجة وحقق لك مرادك
بس اللين والعقل و الاحترام يحقق لك ان شاء الله اللي تبين

#اهلين_اختي
لا تقارنين نفسك بغيرك
ولا تطلبين مثل فلانة وعلانة
كل انسان له ظروفه وله وضعه
ولازم تكيفين نفسك مع مستواك الحقيقي

#اهلين_اختي
لا تسمعين للي ينوحون نيابة عنك
(عطوها حقوقها المسكينة)
ترانا بخير
وما فيه حقوق لنا اعظم من اللي اعطانا اياها الدين
صدقيني

#اهلين_اختي
أعرف انك لما تلبسين عباية مزينة ما تقصدين شيء، لكن للأسف اللي يشوف هالعباية بيقصد شيء!
لا تجيبين لنفسك اللي كنتي في غنى عنه

مع خالص دعواتي و أطيب أمنياتي

اختك: منال السالم
@Manal_Sal