ليش يا ترى .. شو هو السر أو السبب اللي ينمع أغلب المواطنين من تغيير درجة حرارة مكيف السيارة من الرقم 18 وكذلك وضعية المروحه أغلب الأحيات على رقم 1أو أوّل شخط
في أنتظار مشاركاتكم “بصدق” ان أمكن
واللي بيضيف تعليق أتمنى عدم الأطالة في الكتابة حتى أتمكن من أعتماد ملاحظاتكم بسرعة
وشكرا لمروركم … أتمنى لكم صيف بارد دون أعطال فالمكيفات بإذن الله
وإليكم السبب …
في الثمانينات والى بداية التسعينات كان اذا ما تحط مكيف السيارة على أقصى الأزرق كامل .. يعني على أبرد شي كان المكيف يطلع ريحة خايسة .. ولان المكيف يكون بارد فلازم بطبيعة الحال تخف على المروحه والل يتيمّد (يتجمد) ويهك
كان اذا بعد تغير وضعية المكيف بحيث يدفع هواء عند ريولك أحيانا يخترب ويعلق فكان المكيف دايما على وضعية الوجه فقط!
أكثر من عشرين سنة مضت والمكيفات وحتى الغاز المستخدم فيهن تغير وأغلب جيل اليوم ما لحق على سيايير الثمانينات ولكن تستمر الأسطورة ويبقى المكيف على نفس الوضعية … كما هي أشياء اخرى في حياتنا بخبركم عنها في صفحات أخرى من الكشكول.
*الاستبيان غير دقيق لأن الناس ما تختار الاجابة بمصداقية لأن البعض ما يبغي حد يضحك عليه مثلا
مع تحيات:
الــــــــوطــــــــن™
اتبعني Follow @AlWatanUAE
www.alwatan.ae
الـكـشـكـول 
اعتقد لأنهم يخافون المكيف يخترب
واهلي دايما ينازعوني اذا رفعت اسرعه المروحه اونه بيخترب
يمكن محطين في بالهم إذا علوا ع المكيف بخلص البترول بسرعة.
أو يمكن يخافون يستوي ضغط ع السيارة وتخترب بسرعة
أنا غالبا أفتحه عالاوتو والأوتو يفتح على أعلى سرعة في المروحة، وطبعا مستحيل أتحمل المكيف يكون ١٨ لازم فوق ٢٠ وساعات أعلى درجة
في الصيف 18 و المروحة بين 1 و 2.
في الشتاء تتغير الدرجة على حسب الجو، معظم اﻷحيان ما يحتاي الوضع تشغيل المكيف، و لكن يوم يشتد البرد أوقات أعاير درجة الحرارة حول 30 أخليها و أشغل المكيف.
ما أعتقد إنه في أسباب يجمعون الناس عليها في إختيار درجة حرارة المكيف، البعض يمكن ما يتحمل برودة وايد يخلي رقم 1، و حد تركب وياه موتره دوم مستحر، يحط المكيف على أخر رقم تحس إنك ظاهر راسك من جامة الموتر و إنته تمشي 140 على خط المدام.
و يمكن بعد صحيح في ناس يقولك بخلي درجة الحرارة مثل الي يا عليها الموتر من الوكالة، ولا أول ما خذته ،و حد يقولك لا ترفع المكيف الوايد يرفع “ريس” الموتر و يصرف بترول، و حد من الناس إستوت وايهم مواقف إنه يكون حاط المكيف على أخر رقم في الصيف و نقع عليهم “الكمبريسر”، ولكن هذي حالات أغلب الظن حدثت ﻷنه السيارة كانت واقفة لمدة طويلة و المكيف شغال مب طبيعية مثلاً إن السيارة تمشي و نقع المكيف.
بالنسبة لي هي مجرد عادات و معتقدات
والله اشكرك يا استاز علي شرحك وتفصيلك للمكيف وشكرأ