قصة حقيقية من أحدى الاعضاء
بقولكم قصتي بـس باختصار وكيف تحول الدمار إلى حب ووئام
قصتي ويا عمتي الله يحفظها ويخليها لنا ان شاء الله …. دوم نضارب ٲنا وياها وعلى أتفه الأسباب
يعني تغار على ولدها مني يعني على أي شي أتيي تسويلي مشاكل الله يسامحها
وبعد فتره عانيت وأيد منها حتى كنت أتمنى الموت ولا أعيش وياها ف بيت واحد
بعدين عيال الحلال وأيد فنصحوني قالولي هاي كبيره ولازم تتحملينها قلت لهم أوكي مع أني بداخلي رافضه بشده
وقالولي تبينها ماتويسلج مشاكل أكسبيها ف كسبتها وحبيتها والحين ولله الحمد أشكر الناس اللي نصحوني بهذا الشي
والحين علاقتنا نفس علاقة الأم ف بنتها والحمدالله رب العالمين
وأتمنى من خواتي انهم يهتمون ويكسبون عماتهم لأنه بجذي راح يخلون كل العائله تحبهم
وأكثر شي بيرتاح من هاي السالفه الزوج لأنه مخلي الاثنين راضين عن بعض
وصدقوني اللي تحب زوجها وعيالها بتسوي نفسي وأكثر
بتكسب عمتها وبتعيش مرتاحه بإذن الله
والسموحه منكم طولت عليكم
الــوطــن™: المشكلة انحلت مب بالتمثيل ولكن بالمصارحه وصدق المعامله وصدق النوايا …
أخلصوا النية والتوفيق بإذن الله سبحانه وتعالى.
الـكـشـكـول 
الله يعزكم أنا عندى عمه خساره فيها كلمه السلام عليكم
للأسف ما فهمتي القصة … وما اعتقد فهمتي كيف غيرت الحرمه اللي في القصة حياتها إلى راحت بعد ما كانت شقاء … الاختيار بيدك … سعادة أو تعاسة