إذا صار تحرش جنسي لطفل وين المكان اللي ممكن انبلغ فيہَ ؟ … حوار ونصيحة

 

• صار موقف لولدي بس قبل 3 سنوات ولين اللحين ﻣﭑ ينسى هالموقف وبصراحه خايفه يتكرر وياه هالشي لانه من النوع اللي يجذب وما يقول وتعبت وياه وغير ان الولد اللي تحرش فيہَ موجود ودايما طايح في فريجنا وابا ابلغ عليه مب عشان ولدي وبس عشان اولاد الفريج

• إذا مافي دليل فبتكونين تضيعين وقتك … أهم شي تفهمين ولدك شو لازم يسوي ولأزم تصدقين ولدك وما تكذبينه

• للاسف ﻣﭑ شيء دليل … ولدي مب دايما اجذبه مرات وانا اكون متأكده انه يجذب

• حتى لو يكذب حاولي تطلعين الصدق منه فكلميه دوم على الأقل في الشهر مره

• كم عمره ما شاء الله الحين

• عمره 11

• أخطر عمر تراه … مع أن الأهل يعتقدون الصغار عليهم خطر أكبر

• وايد وايد يجذب واحاول وياه ومتعبني قلت بعرضه ع طبيب نفسي

• مب لازم … أنت كلميه … خليه يثق فيك أنت … هذا أهم شيء

• يخاف يتكلم وجبان يكون مرات

• طبيعي … بس لا تقولين جبان

• ﻣﭑ اقول جدامه

• كلميه وخليه يثق فيك هذا هو السر

• بس هو فعلا جي

• مب لازم تقولين هو يحس

• دايما اكلمه

• ممتاز استمري

• ليش بيأثر فيہَ لو قلت له انه جبان … من اي ناحيه ؟

• المشكله قد ما يكلمك مره ثانيه وهذه هي بتكون المصيبه

• ٱللّہ يعين

• ترى ولدي ﻣﭑ خبرني انه اتحرشوا فيہَ المدرسه هم اللي خبروني … لانه كلم الاخصائية … وهي اتصلت وخبرتني

• معناته ما يثق فيك

• لاني اخبر ابوه … وابوه من النوع العصبي

• حأولي تكسبين ثقته قبل لا يتأخر الوقت وايد

• الله يعينكم جميع

• شكلي باخذه اليوم وبطلعه وبسولف وياه

• الله يوفقكم

أقرأ أيضا حول الموضوع 

• التحرش الجنسي بالاطفال …هل تعرف ما يجب عليك فعله لحماية أطفالك؟

• المدرسة والتحرش الجنسي: كيف نتخلص أو نحل هذه المشكلة المزمنة؟

• خبرتهم بالخبر وخبرتهم يخبروني!

• سبب السكوت عن الكلام والنقاش في موضوع التحرش الجنسي بالأطفال ؟

مع تحيات:
عـبـدالـلــه @ الــــوطـــن™